مع انى كنت محضره موضوع تانى خالص بس اول امبارح عرفت ان امتحاناتى فى اول شهر 6 حد هيقولى عاضىىىى بتحصل يعنى .. هقولكوا لا .. لانى كنت متأقلمه نفسيا انها اخر 6
المهم انا تمالكت نفسي بعد مااكتشفت انى لازم اخد فكره عن المنهج وقررت ( يسلاااام .. ولا كأنى وزير الزراعه ) انى انزل اودع العالم الخارجى بكل الحاجات الجميله اللى فيه وآكل بيتزا واشرب نسكافيه
وقررت لتانى مره ( تصريحات ياجماعه .. ركزوا ) انى مش هبخل عليكوا ولا هستخصر فيكوا صور العالم الخارجى اللى صورتها وبالمره تعرفوا النعمه اللى احنا عايشين فيها
دى متعلقه جنب قسم الانفوشي .. اتفضلوا معانا
مركب صيد
هو ده البحر اللى بتسمعوا عنه فى الراديو
ودى الصخور اللى فى البحر
دى مركب صيد .. اظن واضحه جدا
مأذنه مسجد المرسي ابو العباس
بحر .. ومراكب .. وسما
سور قلعه قايتباى
السراديب داخل القلعه
الحمامتين بتوع السلام استقالوا وحاليا بينشطوا حركه السياحه
دلوقتى كل واحد يلبس نظارته ويركز .. الشيء الابيض الدائرى البعيد ده مكتبه اسكندريه
ده بحر تانى
كل واحد يروح يشوف مذاكرته بقي و قبل ماانهى الموضوع ومن على هذا المنبر وهذه الصفحات بتوجه بالدعاء لجد جدى الكبير بحق الصدقه الجاريه اللى عملها فينا اما نزح للاسكندريه
44 comments:
السلام عليكم
بدات المذاكره والامتحانات
ربنا يوفقك ونشوفك بعد الامتحانات
الله الله الله عليكى
حقيقى اسكندرية نعمة من الخالق
و ربنا يديمها علينا
و بالتوفيق لكل م عنده امتحانات اليومين دول
ناجحين جميعا انشاء الله
تحياتي
أشكرك علي الصور الجميلة... و الله فكرتيني باسكندريه و جمالها.
علي فكرة انا عندي مجموعة صور جميلة ابيض و اسود لميدان المنشية...الجندي المجهول...قلعة قيتباي...بير مسعود..ياه كانت ايام جميلة مع رحلة الجامعة..
أشكرك مرة أخري و أشكر جدك الاكبر الذي لولاه ما كنا راينا هذه الصور الجميلة...
تحياتي
والله جميلة الاسكندرية .. دي حاجة عرفينها من زمان مش جديدة يعني .. بس للأسف بقت رحلاتها غالية قوي وانت لولا انك ساكنة فيها مكنتيش شفتيها .. بس خلاص
بين شطين وميه عشقتهم عينايا ... سلاامي لاهل اسكندريه
تحياتي
Bossy
وعليكم السلام ورحمه الله وبركاته
ايوه بدأت ايام الشقاء والتقشف
ربنا يعديها على خير بأذن الله
ميرسي على مرورك ياجميله
hesham
يارب اللهم آمين
ربنا يخليك على دعوتك
نورتنى زيارتك والله
تقبل تحياتى
الربان
اسكندريه بجد رائعه
ياريت تنزل موضوع بالصور دى .. هتكون نادره جدا اكيد
وخاصه كمان ان الصور الابيض والاسود لها رونق خاص
اسعدتنى زيارتك
تحياتى
تامر أبوعرب
اعتقد الرحلات فى الشتاء بتكون ارخص بس رحلات اليوم الواحد لاسكندريه بتكون مضغوطه قوى فى الوقت
انا بحمد ربنا انى عايشه فيها
ولو لم اكن مقيمه هنا لوددت ان انقل اقامتى هنا
شكرا على زيارتك
ابن ناصر
الله يسلمك
شكرا على مشاركتك
هغيظك واصور صور هناك لما اروح وهتبقي احلي من صورك مع اني مش اسكندراني ههههه واللة يرحم جد جدي برضو علشان مراحش اسكندرية
هههههههههههههههههههههههههه
بس بجد اتفرجت عليهم كلهم وعجبوني
تحياتي تسلم ايدكي ياريت
كمان لفة تاني تصوري باقي الاماكن بعد الامتحانات ربنا ينجحك يارب
جميل اوي الصور
انا بحب اسكندريه جدا
وحشني البحر اوي
تعرفي صورك ديه
هتخلني افكر اروح يوم ابل الأمتحانات
ربنا معاكي ياجميل
كراكيب عادل
ههههههههههههههههه
الله يرحم جد جدك ويغفرله و المسلمين
وبعدين ابقي تعالى صور مع جموع المصيفين
قبل كده ممنوع التصوير منطقه عسكريه
الصور دى اخترتها من مجموعه يعتبروا افضلهم يعنى
وان شاء الله فى الخطه الخمسيه الجايه هبقي انزل جزء تانى
شكرا على دعوتك وتقبل الله منك
اسعدتنى زيارتك
محض روح
ربنا يخليكى
اسكندريه بجد رائعه خاصه فى الشتا
وتنورى فى اى وقت
ربنا يوفقك فى امتحاناتك ان شاء الله
يابختك بالسكندرية
بلد جميلة صحيح على الرغم من الزحمة اللي بتبقى فيها في الصيف
عموما ربنا يوفقك في الامتحانات بتاعتك واهي غمة وتنزاح
تحياتي واحتراماتي
يااااه
ربنا يكرمك يا بنتي .. أنا مصر وحشاني جدا جدا جدا
أنا مصرية مغتربة
فالصور رجعتني لجو مصر الحبيب ..
والإسكندرية .. ولا أروع
سلمت يداك وسلمت من كل شر
وعلى فكرة أنا بحب اللون الأرزق قوي :)
A.SAMIR
فعلا فى الصيف بتكون الزحمه غير طبيعيه
بنكون فرع تانى للقاهره
شكرا على الدعوه
يارب يهونها
شكرا على الزياره
Maha
ربنا يخليكى ياجميله وترجعى بالسلامه ان شاء الله
سلمتِ انت وكلماتك الجميله
ونورتينى
يارب تتوفقي في الامتحانات بس متنسيش الحلاوه يا قمر
وبجد حلوه اسكندريه
فعلا عروس البحر الابيض
ربنا يديمها علينا نعمه
تحياتي يا جميله
والله وطلعت موهوبة يا زرقاويا
عيني بعينك كدا ..انتي يللي مصوراهم؟؟
عامة تسلم ايدك
فالصور تتجمل ولا تتكلم
واذا بتتكلم بتحكي ...أسرار وأسرار وأسرار
وموش عايزة اقول حاجة
ركزي بئا بالمذاكرة
ربنا يوفقك في اختباراتك
تحياتي لكِ عزيزتي
كل ما سمعت صوت الموج في "الراديو" أو رأيت روعة البحر في التلفزيون أو سمعة شط اسكندرية لفيروز قلت لنفسي ليه يا جد جدي الكبير ما رحتش وقعدت في اسكندرية زي الناس دي
وغن كان له وجهة نظره فنحن أمامنا النيل وخلفنا الزرع الجميل
وكل يغني بقه على ليلاه
مع تحياتي وتمنياتي بالتوفيق في الامتحانات
من زمان اوي
الواحد مرحشي هناك
زمان كنا بنروحها نصيف
والحمد لله معدناش بنصيف :)
بعد كده ان شاء الله
هنبقى نروحها علشان طلب العلم
احم احم
وبيني وبينكم عايز كمان اروح العصافرة اشوفها هي وميامي :)
gohayna
اللهم آمين
اسكندريه فعلا تحفه ومختلفه
يمكن كمان لانها واخده الطابع الرومانى اكتر
ربنا يوفقك بأذن الله
شكرا على الزياره الجميله
رصاصة طـائشة
لا موش انا .. دى الكاميرا
وانا معاكى فعلا ان الصور تعبيراتها الصامته بتحكى كتير قوى
بس مقولتليش رأيك فى السرداب يعنى ؟
صاحب البوابــة
وفقنا الله جميعا اللى مايحبه ويرضاه
شكرا على المرور الكريم
حائر في دنيا الله
انت خليتنى اتسائل لو مكنش جد جدى فعلا اخد القرار المصيري ده ونزح هنا
ياترى كان ممكن الحياه يكون شكلها ايه فى القاهره او اى محافظه تانيه
انا بشوف المواطنين مطحونين فعلا فى القاهره مابين الزحمه والتلوث
مع ان ده لايؤثر على الطابع الاسلامى الرائع اللى فى القاهره
لكن المكان بيختلف اما نقيم فيه
شكرا على مرورك العطر الذى اسعدنى
خالد وليس بخالد
اعانك الله ووفقك ان شاء الله
العصافره وميامى المركز الرئيسي للمصيفين فى اسكندريه
هتلاقيهم بيزدادو ازدحام
بس لو بقالك كتير مجيتش هتلاقى اسكندريه بقيت اجمل
ايوه كده غيظيهم
بس تعرفى ان البحر وحشنى
انا اسكندرانية على قلة فايدة
المسالة بجد هى انى بحس ان اسكندرية هى اللى ساكنة فيا
بس المرسى ابو العباس وحشنى
خلصى امتحانات وفسحينى
السلام عليكم
مش هقدر اقول حاجه
حبيبتي يا اسكندريه
---------------
احم احم
هو حدك عمل فيكم صدقه جاريه
وعمل فينا احنا ..........
كان لازم ينزح يعني
عموما نورتو الاسكندريه
تحياتي
mariam
الحقى تشوفى البحر وتروحى الاماكن اللى عايزاها اليومين دول علشان فى الصيف مش هتشوفى حاجه من جموع المصيفين
انا هخلص امتحانات اخر 6 حضرى نفسك بقي
نورتى المطرح
mohandat
وعليكم السلام ورحمه الله وبركاته
اسكندريه جميله قوللها من غير حقد بس
ماهو لو مكنش عمل كده كان زمانى قاعده اشم هوا ملوث
والزحمه - طول السنه مش فى الصيف بس - بالنسبالى من اساسيات حياتى
لكن الحمدلله بقي
نورت يامهندز
راااائعـة يا ذات العالم الأزرق/ الجميـل .....
إسكندرية عروسة بحرها المالح ، فعلاً ........
وصورك جميـلة . . . .
وشكرًا برضو إنـك كبرتي الخط
صبااااااح الورد
..............
السلام عليكم ورحمة الله وبركاته
اسكندرية ماريا وترابها زعفران
بموت فيها ، ولو مارحتش كل صيف يمكن يجرالي حاجه
يااااه لي فيها احلي الذكريات
المنشية وقهوة الجمهورية ، محطة الرمل ،شارع صفيةزغلول ،سنيما مترو ، ميامي ومايوركا ، جامع المرسي ابو العباس والقلعه ،مطعم عروسة البحر والشيخ رفيق سبورتنج وفندق قاعود ، السلسله والقعده ساعة المغربيه علي البحر ، المكتبة ، النادي الاوليمبي ،
سيدي بشر واحمد حسنين ...لو فضلت احكي مش هاخلص
بس اقولك ماتكليش سمك عند قدوره علشان مش حلو وغالي علي الفاضي .ههههه
حلوه حكاية توديع العالم الخارجي ده ...هههههه
يعني خلاص مش هانشوفك الا بعد الامتحانات ..ولا النت تعتبر عالم داخلي ..؟؟؟؟هههه
ربنا يوفقك وتيجي الامتحانات كويسه ان شاء الله
تحياتي
عالمى إزرق
شدى حيلك
كويس أنك إتفسحتى قبل قعدة المذاكرة حتفرق معاكى كتييييييير
حطيني جنب اي شويه ميه ولو في كبايه وانا ابقي فل الفل
ملحوظه بسيطه
مش كل اللي بيتبعوكي عندهم امتحانات في ناس كبرت شويه علي الحكايه دي ربنا معاكي
لييييييه تعملى فيا كداااااا
دانتى صديقتى الصدوقة اقوم اجى هنا الاقيكى منزلة صور لحبيبة قلبى من جوا وانا قاعدة هنا ولا عارفة اروح ولا اجى
عااااااااااااااااا
بجد لن انسى لكى هذا الموقف
بس ممكن انساه بشرط
خدينى معااااكى نصيف سوا
وبالتوفيق فى الامتحانات
عاوزين نتيجة حلوة.. مش زى كل مرة:P
الاخوة الكرام لأن دورنا هو إظهار الحقيقة وتوعية الناس بها , ولأن ما علمته عن ذلك المجاهد يمثل قيمة عظمى المفترض أن نفتخر بها ونكرمها , لا أن نعتقلها ونسجنها , فإني أطلب منكم رجاءاً أن تساعدونا في بدء حملة الافراج عن شيخ المجاهدين السيد / أبو الفتوح شوشة , المعتقل منذ حوالي 20 يوماً , ويعاني وضعاً صحياً سيئاً داخل محبسه نظراً لكبر سنه البالغ 80 عاماً , وتتمثل الحملة في نشر البوست الجاهز المتفق عليه بدءاً من يوم الجمعة الموافق 19/5/2007 والنشر سيستمر لمدة اسبوع ( مما يعنى أنه اذا لم يستطيع أحد المدونين النشر يوم الجمعه فهو يستطيع النشر لمدة اسبوع كامل ) , كما تشمل الحملة تثبيت صور شيخ المجاهدين في جميع المدونات المشاركة ( تأخذ الصور حفظ بإسم , أو عبر رابط عنوان رفعها على الانترنت ) , مع توسيع نطاق الحملة لتشمل كافة المدونات التي نستطيع الوصول اليها .. وجزاكم الله خيراً ...
البوســـت بعنوان
أن تكون أبو الفـتــــــــوح شوشــــة
حملة الإفراج عن شيخ المجـاهدين
في ظل تلك الهجمة الشرسة التي يتعرض لها كل وطني حر شريف , تتعدى تلك الهجمة هذه المرة خطوطها الحمراء , وتتمادى في غيها المنهجي , لتصطدم برمز من رموز العزة والكرامة في مصرنا الحبيبة , إنه شيخ المجاهدين الذي يربو عمره عن الثمانين , الأستاذ أبو الفتوح شوشة , ورغم ان الكثيرون من قد لا يعرفونه , ربما لأنه ليس بلاعب كرة قدم قديم أو مطرب شهير قد إعتزل ... بل إنه من القلائل الذين ما زالوا أحياء ممن سبق لهم الخروج مجاهدين وقت تقسيم فلسطين عام 48 م , ورغم أن الكل قد تناساه , في غمرة إعتقال نائبي مجلس الشعب من الإخوان المسلمين , وقد تم إعتقاله معهم وقتها بكل القسوة رغم شيخوخته وكبر سنه , إلا أنهم لم يرحموه , ولم تمنعهم كهولته , بل لفقوا له التهمة الشهيرة وهي محاولة قلب نظام الحكم !!! وكأن كهولته وكِبر سنه تسمح له بمجرد التفكير في قلب منضدة و ليس قلب نظام الحكم !!! لكننا اليوم نعلنها إننا لم ننساه , وكيف ننساه ؟؟ وقد حمل لواء الرجولة والعزة آنفاً وخرج ببدنه وماله قاصداً فلسطين ليجاهد عام 1948م اليهود الصهاينة وهو يبغي النصر أو الشهادة , , إنه اليوم له كل الحق علينا في ان ندعمه تماماً , حتى ولو لم يطلب , وحتى ولو لم يعلم , فإننا من منطلق من نمثله من صحافة شعبية , تمارس دورها في تنوير شعوب المنطقة , نعلن اليوم ما الذي يعنيه أن تكون شخصاً كشخص أبو الفتوح شوشة في مصرنا الحبيبة ...
أن تكون أبو الفتوح شوشة فهذا معناه أن تكرم وتصير رمزاً لكرامة الرجال لو كنت في بلد غير مصر ... أما لأنك في مصر ... فهذا معناه أن تصير نزيل أحد السجون وحبيس أحد المعتقلات ...
أن تكون أبو الفتوح شوشة فهذا معناه أن تخرج للجهاد في فلسطين وعمرك لم يتجاوز التاسعة عشر ...فتبلي البلاء الحسن ... ثم تعود لتنال جزائك على جهادك وبدلا من تكريمك يزج بك في السجون 15 عاماً مع الشغل والنفاذ ..
أن تكون أبو الفتوح شوشة فهذا معناه أن تعود من فلسطين راضياً عن نفسك ... راضياً عن جهادك ... راضياً عما فعلته لرفع لواء الذود عن فلسطين ... فلا يرضى عنك النظام ... لتذوق الويل والتعذيب في السجون المصرية ...
أن تكون أبو الفتوح شوشة فهذا معناه أن تخرج من السجن بعد 15 عاماً كاملةً لتمارس رسالتك في البناء والاصلاح من جديد ... بدون أن تتغير قناعاتك أو تتزعزع ثقتك في نفسك ...
أن تكون أبو الفتوح شوشة فهذا معناه أن تترشح في انتخابات مجلس الشعب لعام 1987م ... فيهب جميع أبناء دائرتك لإنتخابك ... بما فيهم أقباط دائرتك بالكامل .... فتنجح نجاحاً باهراً ... ثم يتم حل المجلس لأجل إسكاتك ...
أن تكون أبو الفتوح شوشة فهذا معناه أن تتحصن بحب الله و تحظى بحب الناس لك ...... لكنك في الوقت نفسه تجد أن النظام يُكن الكره لك ... ويعتقلك المرة تلو الأخرى ...
أن تكون أبو الفتوح شوشة فهذا معناه ألا يرحموا شيبتك وأنت قد قاربت الثمانين ... فيزجوا بك في المعتقلات غير آبهين ... ويحولوك لمحاكمة هزلية غير مستنكرين ...
أن تكون أبو الفتوح شوشة فهذا معناه أن تُحارب في رزقك وسكنك وراحتك وانت شيخ كبير ... ويضيقوا عليك كل شئ حتى يسجنوك ... في الوقت الذي تتمنى أن تنعم فيه براحتك ...
أن تكون أبو الفتوح شوشة فهذا معناه جهاد في صغرك ... تعذيب في شبابك ... بهدلة في كهولتك ...
أن تكون أبو الفتوح شوشة فهذا معناه ... اننا معك حتى النهاية ... نهاية ظلمهم أو نهايتهم ...
الروابط :
مدونة انسى تعلن بدء حملة الافراج عن شيخ المجاهدين
http://ensaa.blogspot.com/2007/05/blog-post_17.html
مدونة انسى تذيع نبأ اعتقال شيخ المجاهدين
http://ensaa.blogspot.com/2007/04/blog-post_9947.html
مجلّة "فلسطين المسلمة" تذيع فقرات من جهاد شيخ المجاهدين
http://www.fm-m.com/2003/aug2003/story24.htm
تقرير صحيفة المصريون عن اعتقال قدامى رجال الاخوان المسلمين
http://www.almesryoon.com/ShowDetails.asp?NewID=34088&Page=1
عن جهاد شيخ المجاهدين المصريين في فلسطين pdf ملف
http://www.fm-m.com/2003/aug2003/pdf/51.pdf
لمعرفة معلومات متعلقة بحياة شيخ المجاهدين يرجى زيارة مدونة الحرية لأبو الفتوح
http://freeaboalftouh.blogspot.com/
جاري تدعيم الحملة بتقرير جريدة الدستور عن شيخ المجاهدين بتاريخ 13/5/2007
جاري تدعيم الحملة بتقرير جريدة الوفد عن شيخ المجاهدين بتاريخ14/5/2007
لا و الله مش من حقك
انتى بتعملى دعاية لاسكندريه
أنا ساعات بحب اسكندريه عن القاهره
انا كنت زرتها لمدة 20 يوم كانوا من امتع 20 يوم فى حياتى
اتعرفت عليها ثقافيا قبل سياحيا
و اتمرمطت برضه حلاوتها ماتمنعش انها تمرمطنى
اللى انا باعيبه على الإسكندرانيه -لامؤاخذه-اهم واخدين فى نفسهم مقلب كبير أوى و فاكرين ان غيرهم فى المدن و المراكز و القرى و النجوع مجرد فلاحين و هما المتمدينين
يعنى من الآخر الإسكندرانيه عنصريين
انا داخله امسي عليكي
ايه العباره مفيش جديد ولا ايه
انا مستنياكي متتأخريش لو سمحتي
تحياتي ليكي
سرداب صغير ف الحياه بيسمعك صوت الوجع
صوت انكسار الحلم فينا لسه قايم ع الجشع
بس مين يقدر يعافرقبل صوتى ما ينجرح
يا اخونا عصفورالكناريا بيختلف عن طير بجع
إبـراهيم
اسكندريه اجمل من الصور
اسعدنى ان الصور اعجبتك
و شكرا على مرورك العطر
خمسة فضفضة
وعليكم السلام ورحمه الله وبركاته
ايه يابنتى المعلومات الجامده دى
انا كده هشك ان فيه جهات - داخليه - بتسرب المعلومات
و خلاص بقي ... شفت كل اللى فى نفسي وجيت
وبالنسبه للنت .. فكل ماهو خارج الكتب بيعتبر عالم خارجى
بس ميمنعش انى اجى ابص عليكوا برضو بدل ما يجيلى كبت
kaed
اكيد بتفرق .. يمكن بتقلل القهر النفسي الواقع على اى شخص من اثر المذاكره
اسعدنى مرورك
احمد عبدالحي
حبه ميه بس .. ده احنا عندنا بحر يجى كده 40 متر
وبالنسبه للى خلصوا .. اهى فرصه يفتكروا ايام الكفاح القومى فى التعليم
اسعدتنى زيارتك واسعدنى اكثر تعليقك
دمت بخير
SoRsaRaa
خليكى عند كلامك بس وتعالى
اما اخلص امتحانات طبعا
وبعدين ادعيلى بضمير شويه واما اخلص و تطلع النتيجه كله هيبان وهعرف دعيتلى ولا لأ
صاحب البوابــة
جزاك الله خيرا على مجهودك
وبأذن الله يكونله صدى بدل من الصمت التام اللى دايما تعودناه
islam yousef
انت اكتشفت .. انا فعلا بعمل ترويج سياحى
ههههههههههههههه
بس تعرف الكلام اللى قلته فى الاخر ده ينطبق على القاهريين كمان
بس يمكن مش لدرجه المتمدنين الوحيدين كل مافى الامر بس ان اسكندريه - كمكان بعيدا عن المقمين فيها - بجد متميز وله روح مختلفه عن الاماكن فى مصر
وهدوئها النسبي بالنسبه للقاهره
لكن كتصنيفات بشريه دى بتعتمد على الشخص نفسه مش المكان اللى طلع منه
والشخص اللى بيحكم بالمدينه والقرى بيكون العيب بتفكيره هو مش بالقرى ولا المدن التانيه
اسعدتنى زيارتك اللى بتمنى دوامها
gohayna
ازيك ياجوجو ؟؟
حمدلله على سلامتك
للاسف انا متقوقعه الايام دى .. لدرجه انى حاسه انى هقلب حشره ورق
يلا يومين وربنا يعديهم على خير بقي
شكرا على اهتمامك ياجميله
حقى اهرتل
تقبل تحياتى لكلماتك الجميله
واسعدتنى زيارتك
اسكندرية اجدع ناس
كل سنة و طارق طيب
انتي نسيتي حاجه مهمه جدا
نسيتي تصوري السمك اللي في البحر
سلااااااااااموووووووز
السلام عليكم ورحمه الله وبركاته
ازيك عامله ايه
اخبار المزاكره ايه والامتحانات
زكري كويس وركزي وربنا يعينك
انا جيت اسلم قبل ما ندخل الامتحان
ربنا يعينك ويوفقك ونشوفك بعد الامتحانات
وكل سنه وطارق طيب
اسكندريه بلد خطيبتي
اسكندريه عروس البحر
اسكندريه محدش يقدر يوصف جمالها
كفايه الصور هي بتتكلم عنها
و كل سنه و طارق طيب
تحياتي
ربنا معاكى
وفكرتينى اد ايه وحشتنى اسكندرية
خلينا نشوفك
Sharm
ده بس من ذوقك
وانت بخير .. وشكرا على اهتمامك
darsh
لا منسيتش .. بس قولت علشان الناس متطمعش فى المدينه اكتر من كده بقي
بس ولايهمك الزياره الجايه احاول اعلقلك سمكه على باب المدونه
Bossy
وعليكم السلام ورحمه الله وبركاته
انا الحمدلله بخير
وكلكوا وحشتونى جدا .. والجهاز والنت
وربنا يعينك ويوفقك بأذن الله
وشكرا على سؤالك واهتمامك ياجميله
وكل سنه وانتى بخير
•«ρяoιd»•™
تحياتى لخطيبتك واهو شوفت العز اللى هى عايشه فيه هنا
و انت بخير يارب
وشكرا على زيارتك
Van Gogh
يارب ومع كل اللى بيمتحن
اسعدتنى زيارتك الجميله
Post a Comment