كل عام وانتــــــــم جميعا بخير

كل عام وانتم جميعا بخير

اعاده الله علينا جميعا وعلى المسلمين بعزّه و بخير

وفرج كرب المسلمين بكل بقاع الارض بأذن الله

شنــطه حواديت

كنت ومازلت اهتم بحواديت الاطفال .. ربما لان للحواديت اهميه تعليميه للطفل يستطيع من خلالها استنتاج الخطأ والصواب
وبالرغم من هذا الا ان الاهتمام بالحدوته كوسيله غير مباشره للتعليم محدود جدا أما من جانب كتّاب الاطفال او من جانب الاسره والكثير منا ينظر للحكايات كوسيله للتسليه فقط
ومعظم الحواديت التى صادفتنى احاول وبشده ان اجد لها هدفا او فكره او حتى معلومه
فغالبها يفتقر الى الهدف
فمثلا احد القصص التى طبعت فى مكتبه الطفل
ان هناك اسره تتكون من اب وام و ابناء هم وائل وعبير ولكل فرد من افراد الاسره عاده سيئه فالام تتحدث كثيرا بالتليفون والاب يقرأ الجرائد معظم الوقت و وائل يحب الطعام بشراهه و عبير تهوى مشاهده التليفزيون وعندما حاول الاب والام انتقاد الابناء تحول هذا النقد من الابناء الى محاسبه الاب والام ومواجهتهم بعاداتهم السيئه ( منتهى الادب والاحترام بصراحه )
وهناك الكثير من هذا النوع من الحكايات التى تقدم للطفل قدوه سيئه وتظهر فى تأثر الاطفال بأبطال الحكايات واتخاذهم قدوه او مثل يبرر افعالهم السيئه
وهناك نوع اخر من الحواديت " الحواديت الحالمه "
والتى تصنع فجوه لدى الطفل فتكون النهايات دائما سعيده والعالم بمنتهى المثاليه فالطفل دوما ما يرى العالم من خلال مجتمعه الصغير وهو ما يجعله فى حاله انفصال تام عن الواقع المختلف عما كونه عقله من صور عنه
وقد عانيت شخصيا من النوع العكسي للحواديت الحالمه
فلدى قصص قد صدرت عن الهيئه الثقافيه العراقيه ( رغم حبي الشديد لهذه القصص ) الا اننى اتذكر ما تركته لدى من انطباعات وانا طفله
ففى القصه الاولى
البـــطه والقمر
وهى قصه بطه كانت جائعه جدا وكانت تعوم بالبحيره مع صديقاتها واحدى البطات الاخريات كانت تمسك سمكه انعكس ظلها على الماء فما كان من البطه الاولى الا ان حاولت ان تصطاد ظل السمكه فى الماء
وهو ماجعل بقيه البط يضحك عليها ويسخر منها ( بط قليل الادب ).. فظلت كلما رأت سمكه لا تجرؤ على اصطيادها فربما تكون ظلا ويسخر منها الاخرين .. حتى ماتت من الجوع

فبعد ان تعايشت كل تلك الفتره مع البطه الطيبه فجأه تموت .. و بالطبع كطفله رفضت تلك النهايه وفوجئوا بي فى المنزل اوقظ اختى من النوم فى الثالثه صباحا حتى نذهب ونضع طعام للبطه ..
ربما هى مجرد قصه الا اننى مازلت استصعب نهايتها حتى الان
و ماتركته لدى من افكار
ويبدو انه كان لدى تعاقد مع مثل هذه القصص
ففى قصه الامير والاميره
كانت الاميره تحب ثمر الجميز وعندما شاهدتها فى الحديقه امرت الخادم ان يحضر لها البعض منها .. وعندما همت ان تأكل ثمرات الجميز فوجئت ان كل ثمره مثقوبه فسألت الخادم الذى قال لها انه ربما فعلت ذلك احدى العصافير التى بنيت عشها فى شجره الجميز فغضبت الاميره وامرت بهدم عشها وقتل اولادها ( رغم ان الجميز مش حلو قوى كده ) ثم تحاول العصفوره الانتقام من الاميره

و ذلك غير قصه مصوره تدعى الايام الطويله وتتحدث عن التعذيب فى المعتقلات السياسيه فى العراق
وكان من الطبيعى انى كطفله فى السابعه من العمر" اسألهم كل شويه : هما بيحطوا راسه فى ميه ليه ؟ فتتبرع اختى وتقولى انها ميه بتغلى ... مع توضيح انه ممكن مكنش بيسمع الكلام "
والاهتمام بمحتوى الحدوته لا يكون بهدفها وحده انما بالمرحله العمريه التى تخاطبها فقصه " الايام الطويله " جيده كقصه تجعل الطفل يتعرف على تاريخ النضال الشعبي لكنها تناسب عمر الثانيه عشر وما فوقها
وايضا يجب تحقيق التوازن داخل حكايات الاطفال بما يناسب اعمارهم فالحياه ليست دائما جميله كذلك العادات السيئه لاتكون قدوه لنا
فعرض السيء يكون للنقد
كذلك تنميه الحس النقدى لدى الطفل وتنميه ثقته بنفسه عن طريق مناقشه حكايات او منحه الفرصه لتنميه خياله ومعرفه تصوره للاشياء عن طريق الحدوته التى يقوم بألقائها هو بأسلوبه
ملحوظه اخيره
الدول المتقدمه تعى جيدا اهميه حكايات الاطفال .. ربما ذلك مادعى الولايات المتحده الامريكيه الى مد المرحله الابتدائيه بقصص مصوره ضمن اطار المعونه الامريكيه
يدور محتواها حول " اللص الامين " فلا بأس ان كنت لص .. و " فرحانه " الطفله الريفيه التى وجدت حريتها اخيرا عندما ذهبت الى الحفله دون ملابسها

رحـــم الله ابنـــائنـــا

ممنــوع مــن النـشر

((1))

انت تعلم انك لست الرجل الاول الذى احبنى .... ولن تكون الاخير
اضف :
كذلك لن تكون الرجل الاول والاخير الذى احبه انا

((2))

- سأرحل عن عالمك
- ...............................
- لاتنفعل هكذا .. وتخلص من هذا العبث الطفولىّ
- ...........................
- لقد حزمت أمتعتى .. وقررت الرحيل
- ................................
- اهدأ قليلا .. لن تحتفظ بي بهذا الشكل
- ...........................
- أذن لك ماتشاء ... فلتحتفظ بالامتعه .. وسأحتفظ انا بي ..

تنبيه

أذا كنت انا امرأتك .... فانت لست رجلي

((3))

أرجوك ... فلتقدر موقفي
انا لا استطيع ان أكمل حياتى معك

واتحمل ان اصحو فى يو ما

لأتسائل بدهشه : من هذا الرجل النائم بجوارى ؟؟

شعر

لاتنتظر ...
ان اعود اليك
لا تندهش ..
انا لم احبك يوماََ
لم اعدك بشيء
فأنا لست بلفور
وانت لا وطن لديك

((4))

(( يتفق ان يحاسب الرجل المرأه بميزان الملائكه وهو لايستبعد منها ... غدر الشياطين ))

" عباس محمود العقاد "

عندما هاتفتنى سألت :
- الا تفكرين فيّ ؟؟؟
- بلىّ .. كنت افكر فيك ليله أمس ...

- أحقاَََ ؟!!
وهمست لنفسي : كنت أفكر فى كيفيه التخلص منك ....

حكمه

" من احسن الثقه بنفسه فليثق بعدها بمن يشاء "
سؤال :انت لاتثق بنفسك ... فلماذا وثقت فيّ ؟؟؟

كاذب

لا تدعى حب الوطن كى تختلس شيئا من مشاعرى .. فلم اشعر يوماََ انك تنتمى له

معلومه

" اقوى عضله فى جسم الانسان عضله القلب "
لديك : هى اقسى عضله

كلمات ما بعد النهايه

نحن من عالمين مختلفين ..... فلتتقبل الامر بشيء من الرضا
احلامى .. تتخطى واقعك الضئيل .. وأفكارى تختلف عما تدور فى عقلك
عذراََ .. لقد حان الموعد
انى راحله .

قصـاصات من .. فوضــى الحــواس

من الاسهل علينا تقبل موت من نحب على تقبل فكره فقدانه واكتشاف ان بأمكانه مواصله الحياه بكل تفاصيلها دوننا

ذلك ان فى الموت تساويا فى الفقدان نجد فيه عزائنا

* * * * * * *

أليست الكتابه كالحب : هديه ، تجدها فيما لاتتوقع العثور عليها

* * * * * * *

أندهاشنا ، انبهارنا ، انفعالنا .. هو الذى يقيس الشعر

* * * * * * *

الحب دائما يحلس على غير الكرسي الذى نتوقعه ... تماما بمحاذاه ما نتوقعه حباً

* * * * * * *

فى مواجهه الحب كما فى مواجهه الموت ، نحن متساوون لا يفيدنا شيء : لا ثقافتنا .. ولاخبرتنا .. ولا ذكاؤنا .. ولا تذاكينا

نذهب نحو الاثنين مجردين من كل الاسلحه

* * * * * * *

هذه مدينه لاتكتفى بقتلك يوما بعد اخر ... بل تقتل ايضا احلامك

* * * * * * *

ستتعلمين كيف تتخلين كل مره عن شيء منك كيف تتركين خلفك كل مره احداً .. او مبدأ .. او حلماً

نحن نأتى الحياه كمن ينقل اثاثه واشياءه محملين بالمبادىء .. مثقلين بالاحلام .. محوطين بالاهل والاصدقاء .. ثم كلما تقدم بنا السفر فقدنا شيئا وتركنا خلفنا احدا ليبقي لنا فى النهايه مانعتقده الاهم والذى اصبح كذلك لانه تسلق سلم الاهميات .. بعدما فقدنا ماكان اهم منه

* * * * * * *

ان لا تكون لك قدره على الغضب او رغبه فيه يعنى انك غادرت شبابك لاغير او ان تلك الحرائق غادرتك خيبه بعد اخرى حتى انك لم تعد تملك الحماس للجدل فى شيء ولاحتى فى قضايا كانت تبدو لك فى السابق من الاهميه او من المثاليه بحيث كنت مستعدا للموت من اجلها

* * * * * * *

ثمه كتب تضعك امام اكتشافات مذهله تكتشف فيها نفسك ومساحات منك .. لم تكن تعرفها

* * * * * * *

لماذا اهديت الىّ اذن كل تلك المتعه ... اذا كنت تعدنى لكل هذا الألم ؟؟

* * * * * * *

الاجدر ... ان يُعرف الانسان بما فقد وليس بما يملك فنحن دائما نتيجه مافقدناه

* * * * * * *

ثمه حزن يصبح معه البكاء مبتذلاً حتى لكأنه اهانه لمن نبكيه .. فلمِ البكاء ؟ مادام الذين يذهبون يأخذون دائماً مساحه منا دون ان يدركوا ، هناك حيث هم .. أننا موتاً بعد اخر نصبح اولى منهم بالرثاء .. وان رحيلهم كسر ساعتنا الجداريه ، واعاد عقارب ساعه الوطن .. عصوراً الى الوراء

من فوضي الحواس

للكاتبه الجزائريه احلام مستغانمي

عيد فطر سعيد

كل عام وانتم والامه الاسلاميه جميعا بخير

عيد فطر سعيد

رمضان كريــــم

اللهم إني أَعُوذُ بِرِضَاكَ مِنْ سَخَطِكَ، وأعُوذُ بِمُعافاتِكَ مِنْ عُقُوبَتِكَ، وأعُوذُ بِكَ لا أُحْصِي ثَناءً عَلَيْكَ أَنْتَ كما أثْنَيْتَ على نَفْسِك

رمضان كريم
استقبالى لرمضان هذا العام يختلف عن السنوات السابقه اشعر وكأننى استقبله بفرحه طفولتى وانا صغيره فأضع الخطط والمشاريع له منذ حوالى ثلاثه شهور واتمنى لو استطعت ان اصف سعادتى بهذه الفرحه الاستثنائيه التى نفقدها ونفتقدها كلما كبرنا وابتعدنا عن اعمار برائتنا
واستكمالا لهذا الاحساس ذهبت امس اشترى فانوس لى .. هذه الاشياء الصغيره التى اختزلها الاخرين من حياتى ظنا منهم انى كبرت عليها او نسيتها
وبما اننى لا اجد فى نفسي اى ميل لفوانيس عصر التكنولوجيا الحديثه الناطقه
اشتريت فانوس نحاسي بشمعه

ده فانوسي العزيز

و يرجع استخدم الفوانيس فى صدر الاسلام للاضاءه ليلا وعرفت مصر الفانوس الرمضانى منذ استقبال المصريين للمعز لدين الله الفاطمى فى الخامس عشر من رمضان فعهد للفانوس بوظيفه ترفيهيه اخرى غير وظيفته الاساسيه زمنذ ذلك الحين ارتبط الفانوس بشهر رمضان واستمر ذلك حتى بعد اختفاء الحاجه لاستخدامه

من كلمات ابن القيم

إن النفس إذا أُطمعت طمعت ، و إذا أُقنعت باليسير قنعت ، فإذا أردت صلاحها فاحبس لسانها عن فضول كلامها ، و غُض طرفها عن محرم نظراتها ، و كُف كفها عن مؤذي شهواتها ، إن شئت ان تسعى لها في نجاتها

ألك عمل إذا وضع في الميزان زان ؟

فضل شهر رمضان

جاء في الترمذي عَنْ أَبِي هُرَيْرَةَ رضي الله عنه قَالَ: قَالَ رَسُولُ اللَّهِ صلى الله عليه وسلمإِذَا كَانَ أَوَّلُ لَيْلَةٍ مِنْ شَهْرِ رَمَضَانَ صُفِّدَتِ الشَّيَاطِينُ وَمَرَدَةُ الْجِنِّ، وَغُلِّقَتْ أَبْوَابُ النَّارِ، فَلَمْ يُفْتَحْ مِنْهَا بَابٌ، وَفُتِّحَتْ أَبْوَابُ الْجَنَّةِ فَلَمْ يُغْلَقْ مِنْهَا بَابٌ، وَيُنَادِي مُنَادٍ: يَا بَاغِيَ الْخَيْرِ أَقْبِلْ، وَيَا بَاغِيَ الشَّرِّ أَقْصِرْ . وَلِلَّهِ عُتَقَاءُ مِنَ النَّارِ، وَذَلكَ كُلُّ لَيْلَةٍ)

عَنْ سَهْلِ بْنِ سَعْدٍ رضي الله عنه عَنِ النَّبِيِّ صلى الله عليه وسلم قَالَ (فِي الْجَنَّةِ ثَمَانِيَةُ أَبْوَابٍ، فِيهَا بَابٌ يُسَمَّى الرَّيَّانَ، لاَ يَدْخُلُهُ إِلاَّ الصَّائِمُونَ)رواه البخاري

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللَّهِ صلى الله عليه وسلم مَنْ صَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ

اللهم بلغنا رمضان وتقبله منا خالصا لوجهك الكريم كل عام وانتم جميعا بخير

الوضع فى غزه

يزداد الوضع فى غزه سوءا منذ سيطره حماس على القطاع وفصل غزه عن الضفه وباقى فلسطين و ليس الخلاف بين فتح وحماس هو الذى دفعنى لكتابه الموضوع لكن ما يعانيه مليون ونصف فلسطينى فى غزه من ظروف هى اسوأ مامر عليهم من استمرار لقطع الكهرباء والماء ووقف صرف الرواتب وهو ما ادى الى جلوس الكثير بلا عمل او اى مورد رزق
وكأن هذا هو ما ينقص الوضع بفلسطين .. كفاها مابها من احتلال وانتهاك للاراضي والمقدسات
ما يحدث من تصارع السلطه يتحمل نتيجته الشعب الفلسطينى وحده قبل اسابيع قليله من الشهر الكريم
فأصبحت غزه الان بلاسلطه ولا قانون ولا حكومه مغلقه المعابر يعيش اهلها تحت خط الفقر
ولا اعلم مالذى يمنع اى الجهتين للتنازل من اجل الشعب الذى يدفع الثمن
ذكرنى هذا الامر ببلد افريقي قام متمردون فيه بمحاوله قلب نظام الحكم وبدئت شبه حرب اهليه .. فما كان من رئيسها ان تنازل لهم عن الحكم من اجل انقاذ ارواح شعبه
اذا نظر حكامنا للسلطه على انها وسيله للاصلاح وليس مجرد هدف لاعادوا التفكير مره بعد اخرى فيما يمكن ان يعفوا شعوبهم من تحمل تبعاته

بالنهايه اقول لكل فلسطينى .. كل عام وانتم بخير .. (ان بعد العسر يسر ) ورمضان القادم او بعد القادم او بعد بعد بعد بعد القادم نكون قد استردننا الارض وانهينا الصراعات والخلافات

سيظل ازرق

عدت مره اخرى الى مساحتى الجميله الزرقاء .. لم استطع الا ان اعود بالاخص هذا اليوم لما له من خصوصيه لدىّ
فكرت فى البدايه ان اكتب لماذا انقطعت عن الكتابه فى المدونه .. الا اننى لا اجيد تعريه مشاعرى المختلفه على الورق - ولا اعلم كيف اكتسبت هذه القيود - وربما كان هذا هو السبب اننى شعرت بما لم استطع التحدث عنه وعرضه هنا

عدت لاننى افتقدت هذه المساحه النقيه من نفسي وافتقدتكم جميعا .. افتقدت كل اختلاف كلماتكم الذى يجذبنى واشعر فيه بشيء من نفسي
واود ان اشكر كل من اهتم بالسؤال عنى و عناه امرى .. وايضا لكل من زار المدونه اثناء غيابي فهذه الزيارات عنت لى الكثير

فاصل

عذرا ... سأتوقف عن التدوين فتره قصيره لظروف ما .. لكنى سأواصل زياراتى لكم

بعد مــــــــــائه عــام

هذه مجموعه مقالات عباره عن تخيل لاوضاع العرب بعد مائه عام قد نشرت للدكتور محمد عباس فى صحيفه صوت العروبه وهى صحيفه تصدر فى الولايات المتحده الامريكيه للجاليه العربيه

نشره اخبار

لعن الله الناس انهم لا يصدقون نشره الاخبار ابدا ويتبادلون الشائعات رغم نفي المتحدث الرسمى اليهودى وقد انتشرت شائعه اليوم عن انتصارات حققها الارهابيون الذين يحاربون الحضارة والحداثه والعولمه منذ اكثر من مائه عام بعد ان استسلم العالم كله وظلوا هم صامدين اما ابنى الاحمق فيسميهم اصحاب الرايات السود الذين لا يضرهم من يخذلهم

احتفال

رغم المظاهرات اقام الحاكم العسكرى احتفالا ضخما بمناسبه مرور اكثر من مائه وثلاثين عاما على هزيمه بلد ارهابي كان اسمه مصر كان يريد ان يدمر اليهود رمز الحضاره والحداثه والعولمه والتقدم وهتفنا كثيرا ضد هذا البلد... ولعناه... ودعونا عليه وتمتم ابنى الاحمق قائلا: هذا البلد كان بلدناوقد ظل متماسكا طيله مقاومته لبنى اسرائيل..فلما استسلم لهم تفتت.

قرآن

قالت لى زوجتى لائمه غاضبه: ستترك الولد يقرأ في الكتب الصفراء حتى يهلك ونهلك وساعتها لن ينفعك الحشيش قلت لها جادا والدخان الازرق يتشكل حولى فيمنحنى سعاده اسطوريه عندما اتوهم اننى لم اوجد قط: لا تخافي عليه من الانضمام الى الارهابين اتباع اسامه بن لادن مادام لم يقتن القرآن او البخارى.

روز اليوسف

احتفلنا اليوم باقدم مجله عربيه في المنطقه الواقعه بين النيل والفرات واسمها روز اليوسف- ويدللونها بروزا - وقد كانت هى المجله الوحيده التى حصلت على ترخيص باستمرار صدورها في العصر الحديثاما الصحيفه فقد كانت الشرق الاوسطوالاحتفال بها بعد ايام اكثر الله من احتفالاتنا.

مظاهرات

مااشد رعونه الطلاب وما أسوأ مايفعلون حين يسيطر الارهابيون والظلاميون على افكارهم واليوم كدروا مزاجى ولم استطع الذهاب لتدخين الحشيش مع رفاقي فقد قاموا بمظاهره حمقاء تنادى بأن يعود الاذان للصلاه باللغه العربيه كما كان قديما وان يتوقف الاذان بالعبريه. قلت في غيظ: ياابناء الافاعى. وهل ثمت من يصلى؟!

جمعه

اشتعلت المظاهرات اليوم ايضا لسبب غريب.. فقد طالب المتظاهرون بأن يكون يوم الجمعه يوم عطله رسميه اسوه بالسبت والاحد ... وقلت لنفسي: يالنا من شعب كسول لايحب العمل.

الارهابي

يظهر ان ام الولد على حق اما ان يكون ارهابيا او انه مجنون وقد فاجأنى اليوم وانا مع اصدقائي الصعاليك ندخن الحشيش والكوكاين والهيروين لم يشاركنا لكنه بدا اكثر انسطالا منا وقف صامتا لفتره يحدق فينا ونحدق فيه وفجأه انطلق يغنى: يحدق التاريخ في تاريخنا.... بمنتهى الذهول يقول : ماذا ياترى... عساى ان اقول؟!

يجمعنا في كومه

يبعد عنا خطوه وفوقنا يبول

تفسير

الارهابي الرجعي المتخلف عدو الحضاره والحداثه اوشك اليوم ان يوقعنا في مـأزق خطير فقد وقف في المسجد يحمل تفسيرا للقرآن غير الذى سمحت به السلطه الاسرائيليه والذى انكبت عليه خيره العقول الاسرائيليه تحت اشراف اعظم الحاخامات عشرات الاعوام حتى انجزته فكان اعظم هديه للمسلمين.

فبعدها جفت منابع الارهاب وانقضت عصور الاساطير والخرافات.

همس الارهابي للمصلين: التفسير الموجود الان كفر. وهذه هى التفاسير الصحيحه ، ابن كثير ، وابن الاثير ، وصفوه التفاسير..

وقاطعته غاضبا: وماذا نفعل بتفاسير بنيامين وكوهين ودافيد وجورج يارجعى يامتخلف

واصطحبته الى المنزل مسرعا وداعيا الله الا يشي بنا واش

احتفال

حضرنا اليوم احتفالا عظيما بيوبيل انسانى الحشيش نوعه : فضي ام ذهبي ام ماسي ام حديدى وتعددت الخطب وتعدد الخطباء عن اعظم مشروع هندسي في القرن الحادى والعشرين الا وهو هدم السد العالى الذي كاد يوردنا موارد التهلكه وانهالت ايآت الشكر على العبقريه اليهوديه التى كشفت لنا مخاطره وخلصتنا منه .

عدت الى بيتى كى اواصل الاحتفال بالمناسبه القوميه مع ابنائي و زوجتى. لكن الكهرباء كانت مقطوعه والظلام كان دامسا.

شهامه

بلغت شهامه اصدقائي الصعاليك انهم عرضوا انفسهم لخطر الاعتقال من اجلى فقد فوجئوا بأبنى المسطوليرفع عقيرته في الشارع ويغنى اغنيه قديمه اسمها : القدس عروس عروبتكم فرفعوا عقيرتهم بالصياح وراحوا ينشدون نشيدا عبريا حتى ذاب في اصواتهم صوته فأصطحبوه الى البيت وراحوا يحذروننى انه لو - لا قدر الله - وسمعه العسس لجاؤا وهدموا بيتى.

صلاه

ذهبت الى الصلاه - فهى مسموح بها - فتركزت خطبه الشيخ التى تسلمها من مركز الخطب اليهودى التى تأسست منذ مائه عام كى يمنعوا المساجد ان تكون اوكارا للارهاب. وتركزت الخطبه على لعن الارهابيين والتحذير منهم وعلى ضروره طاعه ولى الامر وتذكرت ابنى الذي يناصر هؤلاء الارهابين اتباع بن لادن ونهش القلق قلبي.

فتوى

عمت المظاهرات وانتشر البلاء وافتقد الامن وطاردنا الرصاص في الشوارع كالذباب وسقط العشرات والمئات والالوف فقلنا ليس لها من دون الله كاشفه لكن وسائل الاعلام راحت تحسنا على سماع خطبه المفتى وسمعناها متلهفين فتلى قليلا من القرآن وقليلا من الاحاديث ثم قال: من لزم بيته فهو آمن ومن لزم الامير فهو آمن ومن لزم قصر الحاكم العسكرى الاسرائيلى فهو آمن.

فلزمنا بيوتنا

وراح ابنى الارهابي ينوح: حتى المفتى.. يردد اقوال الانبياء والصالحين من قلب كقلوب الشياطين

فصفقت انظر اليه في غضب وغيظ

استسقاء

صلينا اليوم صلاه الاستسقاء ودعونا الله كثيرا فلقد جف الزرع وهلك الضرع واكلنا الجيف ولم يسقط المطر بعد ابنى الارهابي الذي جف قلبه وقست روحه راح يروج الادعاءات وينشر الاساطير والشائعات عن ايام لم يكن النهر فيها يجف قط فسألته في استنكار وغيظ

متى واين حدث ذلك؟؟؟ .......... ياارهابي يامروج الاشاعات ياكذاب

فراح يشرح لى الامر عن بلاد كانت شقيقه وكان اسمها السودان اماراتها الان تشكل جزءا من مملكه الحبشه المتحالفه مع بنى اسرائيل وراح يهرف فلم اطق مواصله السماع وانصرفت الى صلاه الاستسقاء وقد جف حلقي

علامه استسلام

احتفلنا اليوم بعيد قل ان يتكرر بين القرون اذ في اطار التطوير الشامل لكل مناشط الحياه وتحديثها وصل التطوير اخيرا الى القرآن فتمت اباحه تلاوته بمعناه لا بلفظه والى مناهج اللغه العربيه التى كاد ان يهجرها الناسلفرط استعصائها على الالسنه ولقد نحا المنهج الجديد الى التخفيف والتبسيط وحذف الحشو والتكرار وما لم يعد يلزم ولقد تم في اللغه حذف الشعر وفي النحو تم الغاء الفاعل وابقاء المفعول به وتغيير المنصوب الى المنصوب عليه و حذف المرفوع وابقاء المجرور ولقد لحق التطوير بالاملاء ايضا ففي علامات الترقيم اضافوا الى علامه التعجب والاستفهام علامه جديده ....... سموها علامه الاستسلام

رســـــــــــــــائل قصيره .. فى حب الوطن

الاهداء

الى الوطن الذى اتلاشي فيه .. ويذوب داخلى ... فلا اعرف الفارق بين اجزائى وبقاياه .. فلسطين

المقدمه

عندما قررت ان اكتب اليك ِ ... تمنيت ان اكتب اليك ِ بلغه جديده .. لغه سبب وجودها .. هو انت ِ

مابعد المقدمه

مابعد المقدمه .. احاسيس .. لن يشعر بها سواك ِ

((1))

عندما اسمع صوت فيروز :
" ردنى الى بلادى "
اتسائل بمراره : متى ســأعود ؟؟؟

(( 3 ))

متى احببتك .. وكيــف ؟؟
لا أعلم .. ربما ولدت بك ِ
ولكن ماأدركه جيدا ......
هو انك ِ بدمى ...

(( فراغ ))










(( 4 ))

فى كل شتاء .. اقف خلف نافذتى
أرتشف القهوه كل صباح ..
وأفكر : كيف يكون شتاؤك الان ؟؟؟؟؟؟

(( 6 ))

لدىّ صوره قديمه .. اعطتنى أياها امى
كانت صوره منزلنا هناك ..
قالت لى امـــــــى :
" كان منزلنا ... قبل ان يسرقه اللصوص منا "
وضعت الصوره فى صندوقىّ الخشبيّ ..
و ألقيت بالمفتاح بعيدا ..
فقد كنت اخشى ان يسرقك اللصوص منى ....
مره اخرى ..

(( الخاتمه ))

كنت اتمنى .....
ان تحتوينى أرضك .. يوما ما ..
ولكن ..
الا يرضيك ... ان احتويك ِ داخلى كل يوم ..

كل سنــــــه وانت طيب

النهارده تكمل 11 سنه .. يااه عدوا بسرعه كده

قعدت افتكر فيهم حاجات كتير .. من اول ماكنت واخد الشكل الموحد لجميع الاطفال وانت مولود

واما كنت بتريل عليا ( معفن من يومك ومبهدلنى ) افتكرت خناقتنا اما كنت عايز تشغل الكارتون الاهبل بتاعك وانا عايزه اشغل سكوبي دوو و فى الاخر تقوللى متزعليش انا هشغلك بتاعك ( وانا معنديش دم .. اشغله برضو ) افتكرت اما قولتلهم فى المدرسه انى اختك ومامتك تحاول تفهمك انى خالتك واختها هى مش انت .. تزعل وتقوللها دى اختى انا مش اختك انتى

و 11 سنه ولسه بتنادينى بأسمى حاف كده ( عموما انسي الموضوع ده اما اكمل 30 سنه )افتكرت حاجات كتير قوى اهمهم ... انك كبرت .. كل سنه وانت طيب

واشوفك تكبر اكتر وتكون حاجه كبيره وتكون عزه للاسلام انت واخواتك

كل سنه وانت طيب ياطـــارق

أجمل مدينه فى مصر

مع انى كنت محضره موضوع تانى خالص بس اول امبارح عرفت ان امتحاناتى فى اول شهر 6 حد هيقولى عاضىىىى بتحصل يعنى .. هقولكوا لا .. لانى كنت متأقلمه نفسيا انها اخر 6

المهم انا تمالكت نفسي بعد مااكتشفت انى لازم اخد فكره عن المنهج وقررت ( يسلاااام .. ولا كأنى وزير الزراعه ) انى انزل اودع العالم الخارجى بكل الحاجات الجميله اللى فيه وآكل بيتزا واشرب نسكافيه

وقررت لتانى مره ( تصريحات ياجماعه .. ركزوا ) انى مش هبخل عليكوا ولا هستخصر فيكوا صور العالم الخارجى اللى صورتها وبالمره تعرفوا النعمه اللى احنا عايشين فيها

دى متعلقه جنب قسم الانفوشي .. اتفضلوا معانا

مركب صيد

هو ده البحر اللى بتسمعوا عنه فى الراديو

ودى الصخور اللى فى البحر

دى مركب صيد .. اظن واضحه جدا

مأذنه مسجد المرسي ابو العباس

بحر .. ومراكب .. وسما

سور قلعه قايتباى

السراديب داخل القلعه

الحمامتين بتوع السلام استقالوا وحاليا بينشطوا حركه السياحه

دلوقتى كل واحد يلبس نظارته ويركز .. الشيء الابيض الدائرى البعيد ده مكتبه اسكندريه

ده بحر تانى

كل واحد يروح يشوف مذاكرته بقي و قبل ماانهى الموضوع ومن على هذا المنبر وهذه الصفحات بتوجه بالدعاء لجد جدى الكبير بحق الصدقه الجاريه اللى عملها فينا اما نزح للاسكندريه

كيـف تـســرق وطـــــن ؟؟؟

تأملوا هذه الصور .. هانحن راحلون
تاركين خلفنا كل شيء
ربما ارواحنا
نسير ثم لا ننفك ننظر خلفنا
بألم وشوق
ياالهى .. انه الحنين اليها
قبل فراقها
قبل ان اغسل يداي من ترابها


دعونى اسردها عليكم ... القصه من بدايتها

الفصل الاول

الى اى شيء تحتاج كى تسرق وطن ؟؟؟

المال - السلطه - سبب ما

امتدت خطه اليهود قبل اعلان دوله اسرائيل بسنوات طويله .. فبعد انتهاء الحرب العالميه الثانيه دفعت المانيا الاتحاديه مبلغ ثلاثه مليارات واربعمائه وخمسين مليونا من الماركات الالمانيه لدوله اسرائيل كانت بناء على اتفاق مع الدول المنتصره برغم ان اسرائيل لم تكن طرفا فى الحرب و كذلك لم يكن لها وجود فعلى فى هذا الوقت
و بدوأ بناء المستعمرات والهجرة إلى فلسطين من مختلف انحاء أوروبا ، وبنيت أول مستوطنة صهيونية هي بتاح تكفا عام 1878
ثم تم تقسيم البلاد حسب اتفاقيه سايكوس بيكو بعد هزيمه الدوله العثمانيه واصدر وعد بلفور عام 1917 بقيام دوله لليهود بفلسطين التى تم اعلانها فى 14 مايوفى الساعه الرابعه عصرا
وقد تم الاعتراف بدوله اسرائيل تدريجيا فى الدول العربيه والجدير بالذكر انه تم انشاء سفاره لاسرائيل فى مصر عقب اتفاقيه كامب ديفيد تطبيقا لاتفاق الطرفين على ان " العلاقات الطبيعيه التى ستقام بينهما ستتضمن الاعتراف الكامل والعلاقات الدبلوماسيه والاقتصاديه والثقافيه وانهاء المقاطعه الاقتصاديه .... "

مرحله جديده .. ومهمه

اهناك ماهو اغلى من الحياه ؟
نعم ... انه الحلم .. ولكل حلم ضحاياه

بدأ اليهود باتخاذ الخطوات الاولى لتحقيق حلمهم بأرض الميعاد واحتياجهم لوطن يقيهم شر قهر النازيه وكانت بدايه اسطوره الهولوكوست وقد صدر قانون من الامم المتحده مؤخرا بحبس كل من ينكر الهولوكوست و كان اولى ضحاياه كاتب نمساوى حكم عليه بالسجن 18 شهرا

أدرك منظرو وزعماء الحركة الصهيونية, أن مشروعهم الاستيطاني لتهويد فلسطين لن يكلل بالنجاح, مادام اليهود يرفضون ترك أوطانهم الأصلية التي ولدوا وعاشوا فيـها, والتوجـه إلى وطن آخـر لا تربطهم به أدنى صلة,
ولذا لم يتورع مؤسسو الحركة الصهيونية, عن مشاركة أعداء السامية في تدبير وتنفيذ المجازر وحملات الإبادة ضد اليهود
وتبين ان زعماء الصهيونيه كانت لهم علاقات وثيقه مع هتلر و مساهمتهم له بمساعدات ماليه (( ثبت أن النازيين قد تسلموا عام 1929 مبلغ 10 ملايين دولار من بنك (مندلسون أندكومباني) الصهيوني بأمستردام, كما تلقوا عام 1931 مبلغ 15 مليون دولار, وفي عام 1933 بعد وصول هتلر للسلطة, كان أول ما أرسله له الصهاينة مبلغ 126 مليون دولار, ولاشك أن هذه المساعدات المالية الكبيرة, كانت عوناً للنازيين - من المنظمات الصهيونية العالمية - لبناء قوتهم العسكرية والاقتصادية, اللازمة لاجتياح أوربا, وإبادة الملايين من البشر, ومن بينهم اليهود, وهو ما اعترف به (ناحوم جولدمان) في كتابه (السيرة الذاتية ) )
ثم تتصاعد الحملات الاعلاميه المروجه لحرق اليهود وقتلهم بالغازات السامه والتفنن فى تعذيبهم وابادتهم
اعترف أدولف إيخمان - لدى محاكمته, بالاتفاق الذي عقده الصهاينة مع الجستابو, والذي نص على تعهد النازيين بضمان سلامة بضع مئات من أثرياء اليهود والزعماء الصهاينة مقابل أن يتعهد الصهاينة بالمحافظة على الهدوء والنظام في معسكرات الاعتقال

الفصل الثانى

الوطن للجميع ولكن علينا انتقاء ... هذا الجميع

ثم كانت عمليه الانتقاء التى حددها بن جوريون: (انتقاء القليل من جموع اليهود في ترتيب عملية الهجرة إلى فلسطين, من الشباب الذين يستطيعون فهم ما يعنيه - الوطن القومي اليهودي - طاقاتهم وإمكاناتهم لخلق ظروف اقتصادية ملائمة, ستسمح بمتابعة الهجرة
وكان يتم التخلص من اليهود الفقراء والعجائز بعمليات منظمه عن طريق زعماء الصهيونيه

الفصل الثالث

دماء .. ثم دماء .. ثم ..صمت تام

هاهم على اعتاب الارض الطاهره التى يحلمون بها ولكن كيف لهم بامتلاكها لقد كثّفت الصهيونية جهودها, وجنّدت موظفي حكومة الانتداب الصهاينة لإعطاء اليهود حق امتياز استغلال الاراضي ثم تدفقت اموال اليهود لشراء الاراضي باسعار خياليه ومن يرفض بيع ارضه فقد تم فرض الضرائب الباهظه عليهم حتى لايجد الفلاح البسيط غير المرابي اليهودى الذى
يقرضه المال برهن ارضه ثم تصل المأساه الى قمتها عند الوصول لنقطه التنظيف العرقى
"كانت تحيط القرية من ثلاث جهات, وتترك الرابعة مفتوحة, ثم تجمع سكان القرية في مكان, وتختار عدداً من الشباب لإعدامهم, أو تقتلهم بالرصاص أو تحرقهم إذا وجدتهم مختبئين في مسجد أو كنيسة أو غار, وتترك الباقين ليهربوا وينقلوا أخبار الفظائع أو تأخذ بعضاً منهم لأعمال السخرة لنقل أحجار البيوت العربيةالتي هدمتها أو حفر القبور لمن قتلتهم

ثم كانت حرب 48 وقضيه الاسلحه الفاسده وقبول مصر هدنه رودس كهدنه دائمه وهو مفاده التخلى عن امكانيه استخدام قواتها المسلحه لازاله ماكانت تسميه انذاك ( الكيان الصهوينى ) ثم توغل اليهود كالورم الخبيث داخل فلسطين وإذا رغبت إسرائيل في الاستحواذ على أرض لايزال أهلها يقيمون فيها, فإنها تعلن أن هذه المنطقة مقفلة لأسباب أمنية, وتخرج أهلها منها, وتعتبرهم غائبين. هذا ما حدث مع قريتي إقرت وبرعم اللتين أمر أهلهما بالخروج منهما لمدة أسبوعين فقط ولم يعودوا إليهما حتى الآن

نهايه مفتوحه

هاهم يكملون حلمهم بأرض الميعاد ويبتاعون الارض فى العراق الان .. معذره ان تركت النهايه مفتوحه فالاحداث جاريه لم تنتهى بعد
لكن يمكننى ان احكى لكم عن بيتى هناك وشجره الزيتون التى طالما سمعتنى احكى لها وجعى .. عن جارتى الصغيره التى كانت تلعب معى كل يوم ( انا كبرت و هى بعدا صغيره ) يمكننى ان احكى عن شمسها الدافئه .. عن مدرستى .. عن شوارعها التى لن تفقد ذاكرتى تفاصيلها الصغيره ...بلادى الجميله الدافئه ... سأظل احلم بالعوده اليكى و مهما ابتعدت فلن انساكِ فلسطين

خلص الحكى

ملحوظه : جميع المعلومات الوارده هى حقائق تاريخيه موّثقه

تـــجاتــيــج

مساج الخير .. من فتره جالى تاجيين التاج الاول من الراقص مع الذئاب اللى هيؤدى واجبه الوطنى قريب وهيروح الجهاديه .. ربنا يعينه ان شاء الله

section 1

last beverage?
شاي
ِlast phone call
سهام صاحبتى
last instant message ?

لاختى .. اكتب كمان قولتلها ايه؟

last cd played ?
فيلم كرتون spirit stallio

last time u cried ?
مش فاكره
last text message ?

لوحده صاحبتى

Section 2

- Have You Eversdated someone twice?
ايه الاسئله العجيبه دى
hv u evers been cheated on ?

الشهر ده مفيش .. بس عدى عليا كمان شهرين يمكن يكون جاتلى حاجه جديده

kissed someone & regretted it?

الاسئله دى مستورده
lost some one special?
اكيد يعنى
been depressd ?

احيانا
been drunk and threw up?
تابع الاسئله المستورده
Section 3

- List 3 Favorite Colors-
الازرق والاصفر و الابيض

Section 4

- This month have you-

Made a new friend?
الحمدلله وسعيده بيهم جدا
Fallen out of love?
لا الحمدلله
Laughed until you cried?
اممممممم .. حصل بس مش الشهر ده
Met someone who changed your life?
محصلش لا زيس منث ولا قبل كده كمان

Found out who your true friends were?
العلاقات الانسانيه عموما لا تتصف بالثبات فحتى لو قلت ايوه هتبقي نسبيه
Is there something you want to tell someone?

مازالت احلامى كما كانت لك

Would you kiss anyone on your top friends?
هما بيلموا اللى بيسلموا على صحابهم دلوقتى ؟
How many people on your top friends do you know in real life?
اتنين
How many kids do you want to have?
اللى يجيبه ربنا .. وانا هنقي يعنى
Do you have any pets ?
ايون .. طبعن .. اكيد .. عندى قطه وسلحوفه وزرع ( لو اعتبرناه أليف يعنى ) وكان فيه سمك وعصافير بس دول انتقلوا للعالم الاخر وارتاحوا خلاص
Do you wanna change your name
لااااا .. انا بعتز بأسمى قوى وكمان ده عشره ياراجل
What did you do for your last birthday?
عاااااضي يعنى ... نزلت اشتريلهم حاجات فى البيت
What time did you wake up today?

الساعه 11
What were you doing at midnight last night?

كنت بقرأ
Name something you CANNOT wait for?

التمتع بالنظر لوجه الله الكريم فى الفردوس الاعلى بأذن الله وبابا وماما معايا ... اى حاجه تانيه بحاول اعود نفسي على الصبر بقي
Last time you saw your father?
من 3 دقايق
What is one thing you wish you could change about your life?
فيه .. وبتمنى ربنا يصلح منى للافضل دايما
What are you listening to right now?

الحبيب لمحمد رحمى
Have you ever talked to Tom?
هو توم ماله واقع كده
Have you ever talked about someone behind their back?
حصل يافندم .. وفى مره كان عندنا سكشن لقيت طالب معانا جاى يسألنى هو محاضره الاداره امتى؟ قولتله يوم الاربع قالى يعنى بدلوها مع السكشن .. قولتله اعتقد .. قالى طيب منزلش مين اللى هيدى السكشن ده قولتله مش عارفه بس هو عيل معيد اللى هيدينا لقيته برق وقالى ايه ده هو حضرتك حضرتيله؟ .. قولتله لا بس معيد يعنى هيطلع منه حاجه عدله ؟

المصادفه الجميله بقي انه كان هو المعيد اللى هيدينا
What’s the last piece of clothing you borrowed from anyone?
عموما انا مش بستلف هدوم
Who’s getting on your nerves right now?
كتب الدراسه
Most visited webpage?
جوجل والمدونه

Coke or Pepsi ?
مفيش شاى ؟
Mac or PC?
ايوه .. حضرتك عايز مين بالظبط؟

التاج ده امرره لــ

رصاصه طائشه
وبوسي

اما التاج التانى فده جالى من مهند اللى لسه هنشوف موقفه ايه من التجنيد

تكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارستها؟

اول حاجه طبعا هتكون القراءه لانها بتحتاج تركيزوعموما اما بقرأ حاجه بتشعب بأفكاى وبنتقل من فكره لاختها وبيجيلى صداع فى الاخر من التركيز العالى

تانى حاجه بقي ( لو اعتبرناها هوايه يعنى ) اكتشاف الاماكن الجديده و فى مره خرجت انا وواحده صاحبتى فروحنا مكان جديد فوجئت بيها بتتصل بيا لانى نسيتها ومشيت

تالت حاجه لو بتابع برنامج او فيلم او حتى كرتون وبكون مركزه فيه ممكن مسمعش اللى بينادى عليا

وكفايه عليكوا كده .. انتوا ارواح بشريه برضو

التاج ده بقي امرره لـــ

mr-proid

Mr-Biboooo و

أوراق مبعثره ... من داخل ذاكرتى

قررت اليوم ان اتجول داخل ذاكرتى ...... اعبث بها .... ابعثرها ... واجمعها مره اخري .. اتخلص من ذكرياتى السوداء والقيها فى بعد كونىّ اخر

الذكرى الاولى

ولد الانسان حرا ولكنه في كل مكان مكبل بالاغلال

جون بول سارتر

طفل صغير اعبث في مرح طفولىّ
لم يشغلنى سوى اللعب الفردىّ
او مع اقرانى او هذا القلم الفضيّ
الذي يملكه اخى الاكبر
لكن في الليل رصاص يخرق جدران المنزل
نعم ... اعرف
تعلمت الخوف في وقت مبكر

الذكرى الثانيه

حملت احلامى في حقيبه فوقي
حتى اثنى الحلم ظهرى
حلمت بأن يكون لنا وحدنا ...... وطنى
حلمت بأن استرد ذات يوم .... ارضي
حلمت بأن اغفو قليلا بدون خوف
ولكن ماذا سأفعل ؟ انه قدرى

الذكرى الثالثه

حنينى أليك ..... اغتراب
و لقياك ....... منفي

محمود درويش

منذ ان تركنا دارنا في وطنى
وصرت بلاهويه .... بلا عنوان
بلا ارض لتجمعنا في يوم ما
بلا قبر يضمنى اشلاء
وصار العالم لى سجن اوسع
واختنق قلمىّ الفضيّ
قلمى ... الذي كان يملكه اخى الاكبر
ومات الحلم ... ولم يتبقي منه سوى نبض
ودماء مسكوبه على الارض

فهل اكتشفت
وانت تقرأ كلماتى
انه .... تجمعنى بك لغه واحده
تضمنى انا وانت رقعه ارض طاهره
يربطنى بك دين موحد
وكلمه لا اله الا الله شاهده
فلا تتخيل ان مصيرك غيري
فنحن ننتظر دورنا
عند ذات المقصله لا تدفعنى امامك
لا تتعجل دورى قبلك
لا تتقهقر
لا تندم على افعالك
او تسألنى ماذا تفعل؟؟؟
فأنى قبلك ..... بنفس مكانك

انتمى لسمائي الاولى
.. وللفقراء في كل مكان
ينشدون : صامدون
و صــــــــامــــــــــــدون
و صــــــــــــــــــــــــــامـــــــــدون

محمود درويش

وأخيرا قالوا قديما
ثلاثه معظمه : الوطن ... والشرف .... والحريه
اقول الان
لا تعليـــــــــــــــــــــــــــــق

تحديث : الفقرات باللون الغامق مقتبسه من شعر محمود درويش اما بقيه النص فهو كلماتى

ابحث .. مع الشرطه

فى الفتره الاخيره زادت قوى المشاكل مع الشرطه وده فى اعتقادى لسببين بغض النظر طبعا عن افترى بعض افراد الشرطه كمان لجهل المواطن بحقوقه القانونيه وكمان لغياب اى رادع تأديبى لمثل تلك الممارسات
احنا مش فى ايدنا التانيه بس على الاقل نقدر نعمل الاولى الناس تعرف لها ايه وعليها ايه حتى من باب العلم بالشيء ولا الجهل بيه قولت بقي احطلكوا عصاره فكرى ( طول عمرى اقول عندى موهبه الطب ) وانزل موضوع عن بعض الحالات القانونيه اللى ممكن اى حد يتعرضلها
نفترض بقي انك ماشي فى الشارع الساعه 3 بالليل وشكلك مريب ( وده الطبيعى نص البلد بقيت مريبه ) وماشي تتلفت يمين وشمال وقفك ضابط او عسكرى او مخبر المفروض قانونا يعنى : يسألك عن اللى منزلك الساعه دى ومالك بتتلفت ليه وبطاقتك يافندى ( لغايه كده الراجل عداه العيب ) سيادتك تطلع بطاقتك وجاوبت بشكل مقنع خلاص الموضوع خلص
طيب نفترض بقي ان عندك يقين انك لازم تتعامل كوزير مصرى محترم ورفضت تطلع بطاقتك هنا قانونا برضو من حقه يقتادك لاقرب قسم شرطه يعرف انت مين وخلافه
ويقتادك دى مش سهله كده دى لها شرح معناها انه يقولك اتفضل معايا وانت تروح بأرادتك الحره ومش من حقه حتى يمسكك من ايدك ( احنا لسه مبنتكلمش عن ضرب وشتيمه ) لان كده هيعد قبض مش اقتياد
تعريف القبض
هو امساك شخص من جسمه وتقييد حركته وحرمانه من حريته فى التجول كما يريد دون ان يتعلق الامر بفتره زمنيه معينه

حصلك حاجه من اللى فوق دى او الراجل وقفك جبرا اكتر من مده السؤال يبقي ده قبض ويعتبر الاجراء باطل ولا ينتج اى اثر بعده حتى لو ضبط معاك طن مخدرات
لو حد وقفك بالليل مالهوش اى حق يفتشك الا لو كنت فى حاله تلبس طبعا او رضيت عن التفتيش ده قالك هفتشك روحت رافع ايدك استعداد للتفتيش عن خوف او غير خوف من حقك تقول لا مش هتفتش
تالت احتمال بقي انك تكون معاك مخدرات ( مكنش عشمى فيك يابرعى ) و دى قررت انى بلاش اشرحها علشان محدش ياخد احتياطه لان مخارجها القانونيه كتير
فى حالات التلبس بقي لازم مأمور الضبط القضائي ( اى حد غير عسكرى ومخبر ) يدرك حاله التلبس بنفسه يعنى مينفعش المخبر يجى يبلغه ان فيه واحد معاه مخدرات يروح يفتشه على طول كده
وكونه يدركها بنفسه معناه انه يدركها بأحد حواسه ( شم , نظر , لمس , سمع , تذوق ) زى ما يشوف واحد شايل جثه بالليل اكيد مش رايح يفسحها يعنى
وانه يدركها عن طريق مشروع لا بتصنت ولا تجسس ولا تلصص ده بالنسبه للمحل الخاص ( المنازل والاماكن الخاصه يعنى ) لانه لايجوز ان يتخذ من طريق مخالفا للقانون دليلا على قيام حاله التلبس انما الاماكن العامه قهاوى كافتيريات نوادى فده عادى يابرعى لان من حق الجميع ارتيادها ومالهاش حرمه الاماكن الخاصه
والتلبس والقبض يكون فى جنايه او جنحه معاقب عليها بالحبس مده تزيد عن 3 شهور كده خرجت المخالفات من النطاق ده او صدور امر قبض ضد شخص ما
لو حاضر --------- يبقي قبض
غير حاضر ------- امر ضبط واحضار
وعدم توافر اى شرط من شروط التلبس اللى فوق يبطل اى اثر له ولا قبض ولا محاكمه والقضيه اتنسفت من اساسها
علشان التفتيش يعتد بيه بقي لازمله شروط

ثبوت حق مأمور الضبط فى التفتيش قبل اجراءه*

يعنى اما معاه اذن فى تفتيشك او انت فى حاله تلبس ريحتك مخدرات او شاف معاك مخدرات او سمعك بتفاصل مع حد بتبيعله مخدرات او انه معاه اذن من النيابه بتفتيشك ولازم تكون رتبته اعلى من عسكرى او مخبر

التزام الحدود الاجرائيه للتفتيش*

يعنى التفتيش لا يمتد الى شخص اخر غير المتهم ولا تفتيش منزله طالما الاذن صادر بتفتيشه هو او لو كنت مع واحد صاحبك تم ضبطه فى حاله تلبس مينفعش الضابط يفتشك طالما انه مأدركش منك انك معاك مخدرات ( شافها معاك او شمها منك ) الا لو صاحبك ندل بقي وقاله ياباشا انا هعترف ... انا مخبي معاه اللفه التانيه

التقييد بحدود " الغايه " التى ابيح التفتيش من اجلها*

يعنى مثلا بيدور معاك على خنجر فتشك ولقاه لو استمر فى التفتيش بعد كده ولقى اى حاجه تانيه غير قانونيه لا يعتد بها لان استمرار التفتيش يبقي باطل

نيجى لاهم نقطه بقي
الايترتب على التفتيش اهدار كرامه المتهم او ايذاؤه بدنيا او معنويا*

اول نقطه احب اقولها للبنانيت الحلوين ( علشان تعرفوا النعمه اللى انتوا فيها بس ) مينفعش حد يفتش انثى قانونا ولو كان وزير الداخليه شخصيا فلايجوز تفتيش انثى الا بأنثى ولا يعد الرضا سببا لصحه التفتيش يعنى حتى لو وافقت ان الضابط يفتشها برضو اجراء غير صيحيح حتى لو باباها او اخوها او جوزها او ابنها برضو لا يعتد بيه بيكون حكمه وكل ما ترتب عليه باطل
وكما هو واضح من الجمله لافيه ضرب ولا شتيمه ولا اى صوره من صور اهدار الكرامه واى ادعاءات منكم بغير كده تبقي اوشاعات مغرضه مصدرها النفوس الحاقده ( اموشن بنضاره شمس ) وانت اكيد .. اكيد فى مصر
ملحوظه من الملاحيظ
الحاجات دى يتم العمل بيها حتى تطبيق التعديلات الدستوريه ... والعمل بقانون الارهاب

لو كان ... هيكون ايه ؟

حياه الاشياء

كل حاجه لها دوره حياه لو تخيلناها بشكل مختلف هتكون ازاى مثلا لو كل الجمادات اللى حواليك اتكلمت لمده 24 ساعه ممكن تقول ايه ( هتطلع الكبت المزمن منكم طبعا ) سريرك اوضتك قلمك اوراقك هدومك
على سبيل الفانتازيا
سريري : اصحي الساعه 11 بطلوا افترا بقي ... بقالك 10 ساعات نايمه عايز اخد نفسي يااخوانا !!!
الحنفيه : برضو نسيتى تغسلى سنانك ... ما تنضفوا بقي
بلوزتى المفضله : بقالك اسبوع لازقه فيا .. ايه مبتزهقيش ؟ حظ ايه المهبب ده يارب اللى وقعنى فيها انا كده هدوب خلال شهرين بالكتير
كتير من الحاجات اللى حوالينا مهمه قوى بس يمكن احنا مفكرناش بقيمتها حسيت بده اما قريت قصيده لاحمد مطر عن الابواب وحاولت اتخيل حياتنا من دون ابواب ولا نوافذ .. صعبه .. مش كده ؟
بالمناسبه فيه اشخاص مهمين بحياتنا بس برضو مفكرناش بقيمتهم

* * * * * * * * *

مرآه الروح

لو لقيت مرايه تشوف فيها روحك ... الاماكن المظلمه والمضيئه فيها ... تفتكر ممكن تشوف حقيقتك ؟ هتقدر تواجهها ؟ ببشاعتها او روعتها ؟
الروح انا اقصد بيها شخصياتنا صفاتنا عيوبنا الشيء الزئبقي اللى جوانا اللى دايما بيتغير لاسوأ او افضل

* * * * * * * * *

روح الاماكن

اول مره اتعرف على التعبير ده كان د / احمد خالد توفيق فهمت من خلال التعبير ده احساسي اما بروح اماكن ما خاصه الاماكن الاثريه او المتاحف دايما بتسائل عن الناس اللى مروا او عاشو بنفس المكان اللى بزوره كانوا سعدا كانوا بيؤمنوا بايه حياتهم كان شكلها ايه .
هل الاماكن بتفرح وتحزن حتى لو بطريقه مختلفه ؟
يعنى انا بحب بيتنا قوى ( عشره بقي ياجماعه اتولدت واتربيت فيه ) وبفرح اما ارجع من بره وادخل اوضتى وبحس انها كمان فرحت بيا ( لازم طبعا ) و حسيت انى نفسي احضن اماكن كتير ... وكمان حسيت بأماكن بتحضنى .. اماكن نشيطه ومبهجه واماكن كئيبه ومقبضه
طيب عمرك روحت مكان بتحب تزوره كتير وانقطعت عنه لفتره ولقيته اتغير ولومته انه اتغير ؟

انا شوفت ناس كتير بتعمل كده دى عاده الانسان دايما شماعه اخطاءه
التغيير هو اساس الحياه كل حاجه بتتغير الاماكن والاشخاص وكل شيء بس احنا الشيء الحر عن المكان اللى بنملك نزوره او لا ورغم غيبتا عن مكان بنحبه اول شيء بنعمله اما نرجع اننا نلومه انه تغير كأننا عايزين نثبت الكون عند رحيلنا مع انه هو اللى من حقه يلومنا اننا بعدنا

انا و الامتحانات

مع انه مش وقت امتحانات بس لقيتنى فاكره الموضوع ده بالحاح وبما انه جزء من تاريخ مصر قولت لازم ادونه علشان ميضعش هباءانا فى الامتحانات غالبا مابكون شخص رابع مختلف عن التلات اشخاص التانين المهم ... انا مش بروح الامتحانات الا على الوقت بالضبط او متأخر خمس دقايق او عشر دقايق او ربما ربع ساعه حيث انى ادخل اخد ورقه الاجابه والاسئله وابدأ على طول ولحظى السعيد ان اليوم ده ( اللى انا بحكى عليه دلوقتى ) وصلت متأخره عشر دقايق بس وطلعت على اللجنه بتاعتى كان عندى تانى ماده لقيت طالب ما قاعد مكانى وبيحل كمان (شوفوا البجاحه ) روحت انا بمنتهى الذوق حطيت حاجاتى على ورقه الاجابه بتاعته
انا : لو سمحت ده مكانى
وهو بيبصلى بدهشه : نعـــم ؟ ( لاااااااااااا مش وقته خالص الامتحان بدأ ويلا قوم علشان عايزه اجاوب ) جت مراقبه تستفسر : هو فيه ايه ؟؟

انا : الاخ قاعد مكانى والامتحان بدأ وكمان مش عايز يقوم

هى : فين رقم جلوسك؟

انا : نسيته بس هو ده رقمى وكمان ده تانى ماده يعنى حفظت مكانى خلاص

هو : لو سمحتى عن اذنك علشان اكمل اجابه الوقت بيمر على الفاضي

انا : يعنى انا اللى مش عايزه امتحن .. ( للمراقبه ) ياريت تخليه يقوم بقي

وعند هذا الحد لقيت مراقبين كتير اتلموا والولد بيقوللها انا سلمت رقم جلوسي حضرتك هاتيه من الاستاذ وااتاكدى المهم انا ببص حواليا لقيت الناس مش هى الناس سالت المراقبه: ايه ده هى الناس اتغيرت ولا ايه ؟
المراقبه : ناس مين اللى اتغيرت ؟
انا : الطلبه ... هو كل مره بقي هيغيروا الطلبه اللى فى اللجنه ... هو احنا فى الدور الكام ؟؟؟

هى : فى التانى

انا : ( بابتسامه عريضه ) سبحان الله مع انى اما عديتهم طلع الدور التالت عموما حصل خيروطلعت من اللجنه وسط حاله من ازبهلال الجميع
برضو من تراث العيله فى الامتحانات

الواد ابن خالتى كان ابيض فى الرياضيات المهم جه الامتحان نقلهم الاسئله وقعد فاضى راح كاتبلهم فى الاخر اغنيه جديده لعمرو دياب وجاب 3 من 10

انا : ازاى جبت 3 من عشره ؟

هو : منا برضو استغربت انا توقعت اجيب 7 من عشره ... ده حتى الاغنيه جديده

برقيه

ماأرخص دموعك ... عندما يراها من لايشعر بها

ليــــه بتدون؟

انت ليه بتدون؟

سألته لنفسك قبل كده ؟

وليه المدونات بتشدنا ؟

يمكن لانها تطفل على حياه الاخر اللى منعرفوش .. ويمكن احتياجنا حد يشاركنا ولو عبر وسيله صماء حد يحس بينا .. وساعات بندور على نفسنا فى كل صفحه بنقراها

وجايز علشان كل دول مع بعض
ناس تشاركنا آلمنا و احباطتنا بس هما تخطوها وكملوا .. يعنى فى معظم كتب السيره الذاتيه بنلاقى الناس تقف عند لحظات النجاح والقوه حتى الناس اللى بتحكى تحس وكأنها ناجحه من يومها ممرتش بلحظات ضعف وارف واكتئاب واحباط وتخطيتها وقدرت تنجح

اول ما بدأت البلوج معرفتش اخليه شخصي قوى انى اكتب احساسي بالاحباط والسعاده والحب والكره ... معرفتش
حديث دار بينى وبين حد

انا : انا بفكر اعمل بلوج
بس عارفه انا متردده ليه ؟
؟ : ليه ؟
انا : يمكن لانى بخاف الناس تقرانى .. معرفش ليه ؟ يمكن علشان بخاف حد يفهمنى
؟ : اكبري بقي انتى عندك 22 سنه سيبى الكلام ده لحد مراهق عنده 16 سنه
انا " متجاهله الكلام " : يمكن اما اتحرر من خوفى ده ابقي اعملى واحد

بعد كده عرفت انى لازم اواجهه نقط ضعفى مش اخبيها عن نفسي وعن الناس
محدش اتولد بيجرى لازم نتعلم المشي الاول وحتى بعد ما نتعلم نمشي ممكن نتكعبل ونقع ... المهم نقوم تانى ونكمل

الباعه الجائلين

وانت ماشي بص لواحد بيبيع على الرصيف او واحد من الباعه الجائلين .. بص لعينيه و نشاطه و تمسكه بالحياه .. شوفه وهو بيحاول يقنعك تشترى منه حاجه

لغايه دلوقتى بحاول اتخيل احساس واحد بيشتغل على باب الله مش عارف النهارده هيبيع بكام ولا مش هيبيع اصلا و ولاده وطلباتهم اكيد ربنا بيرزق بس هو بيكون احساسه ايه

فى مره وانا راجعه البيت اليوم كان برد قوى كنت بقول لو عارفه ان الجو بالبشاعه دى ولا كنت نزلت عينى جت على راجل كبير بيبيع مناديل و وقف شويه بيكح فكرت فى مدى الرفاهيه اللى كتير مننا عايشين بيها .. هو نزوله كل يوم الصبح مش بالاختيار مهما كان الجو برد ومهما كان مريض

فكرت هو عايش ازاى ومسئولياته ايه طيب لو تعب هيجيب مصاريفه ازاى اصل ده مالوش مرتب ثابت ولا تأمين صحى او معاش

ياترى كام يوم ممكن يمر عليهم وفيه ازمه فى الفلوس ومواجهه متطلبات المعيشه ... ياترى اللى فى الحكومه اللى بيصيفوا فى دول اروبيه حاسين بالناس دى واللى بتعانيه ... دى مجرد شريحه من المجتمع حوالينا ويمكن تعدى من جنبك وانت مش واخد بالك منها

يمكن لو اتعاملنا مع بعض اننا بنى ادمين مهما كان الشخص اللى قدامك بسيط ... هو بيحس زيك بيعانى زيك ويمكن يكون بيعبد ربنا احسن منك

اما بمشي فى الشارع بتصعب عليا مصر قوى .. بيصعب عليا اللى وصلتله .. واللى وصله الشعب كله بكافه فئاته .. فئات اتوحشت وفئات مطحونه ومابينهم فئات بتمشي جنب الحيط علشان تقدر تعيش

وعلى رأى فيروز : معقول فيه اكتر ؟

رسائل اليك .. لن تصلك

( 0 )
الى متى ستتركنى اتجرع
مراره غيابك ...
اما لهذا الحال من انتهاء



( 1 )
كدت اصل ....
ولكنى كلما اوشكت
رأيت سرابك امامى ...
يعيدنى الى بدايه الطريق


( 000 )
تـــعبـــــــت ...
اما تعبت انت


" رساله الى نفسي "

ارهقتك كثيرا...
وحمّلتك فوق طاقتك
فلتسامحينى


" محاولات "


سأكرر محاولاتى .. للتخلص من ذاتك داخلى
او ربما انتحارى .. كى اقتلك
او انهيارى ... كى اقضي على ما بقي فىّ منك
وعلى مابقي منىّ ... فىّ


( 2 )
من فضلك ...
فلترحل بهدوء
انا لا اريد رصيد جديد .. يضاف الى
رصيدى من الحزن


" فيروز "

مع قصص الريح غربني
ع شطوط العمر غربني
واكتبني اكتبني
ع الورق اكتبني
ع الحزن و ع الزهر
ع الصيف و ع البحر
ع الشجر و ع الضجر
وع السفر اكتبني اكتبني
شو بيبقى من الرواية
شو بيبقى من الشجر
شو بيبقى من الشوارع
شو بيبقى من السهر
شو بيبقى من الليل
من الحب من الحكي
من الضحك من البكي
شو بيبقى يا حبيبي بيبقى قصص صغيرة عم بتشردها الريح

( 3 )

جعلتنى اترك قلمى مفتوحا
فى حاله تأهب ...
فربما يأتينى .. حزن جديد

" معلومه "

هل تعلم ... انك الشخص الوحيد الذى شطر عمرى
الى نصفين
فى النصف الاول : كنت ابحث عنك
والنصف الاخير : احاول فيه ان انساك


( ربنا ولا تحملنا مالاطاقه لنا به )

كلمه

كانت عجبانى من فتره فكره المدونات بس مجاش فى بالى انى اعمل مدونة ليا لغايه ما الفكره فضلت تلح عليا
قولت خلاص لازمن ولابد اعمللى واحده صغنونه على قدى