يبدأ التاريخ - الافتراضى - لكحك العيد عندى من سنة اتمامى الـ 8 سنوات فابدأ بممارسة طقوس الكحك
اخد حته من العجين وافردها ع الارض - غالبا كنت بمسح بيها الارض - وافضل اعمل منها اشكال بقي .. اينعم هى اشكال هلامية بس خيالى الواسع كان بيصورهالى مرة اسد ومره فيل ومره شجرة ( مفيش داعى حد يتكلم عن معدل نمو ذكائى ) وبعدها احطها فى الصاج
اختى تقوم مشكورة باستبعاد الشيء الاسود العجيب اللى انا حطاه يستوى اروح حطاها تانى واقولها دى بتاعتى انا اللى عملاها وانا اللى هاكلها تشيلها برضو ( شايفين الاضطهاد ) وينتهى الامر انى اروح اشتكيها لبابا يزعقلها ويخليها تسيبها عشان انا اللى هاكلها ( تقريبا كان بيفكر يسممنى ) و يجى الكحك وافضل ادور عليها ملقيهاش اقنع نفسي ان الناس اللى فى الفرن طمعوا فيها من جمالها بقي
كانت جميله اوى الايام دى و كان الاجمل هو التجمع والدفء اللى بنحسه
وانا بفكر اسجل تاريخ الكحك بحياتى ( بتاع العيد مش بتاع شهادات المدرسه ) قولت بالمرة اراجع التاريخ الفعلى للكحك لقيت انه معظمه اعياد وثنيه غالبا فرعونيه وفضل يتنقل عبر الاجيال لغاية ماوصلنا بشكله ده
المهم وبغض النظر عن كحك العيد .. العيد جه ويارب يكون عيد سعيد على الجميع و على كل اهلنا بفلسطين والعراق وبكل بقاع الارض ربنا يفرح قلوبهم وقلوبنا بالعيد اللهم آمين
كل عام وانتم وكل المسلمين بكل خير
عيد فطر سعيد
10 comments:
فكرتيني بايام جميلة قوي اختفت من زمان لاننا بطلنا نعمل كحك من زمن بس كمان احنا كنا بنشترك مع الجيران في نفس اليوم وكنا بنسوي في البيت ويبقي الباب مفتوح هنا وهنا واحنا بنلعب ونتنطط هنا وهناك نعمل كحك وطبعا برده امهاتنا كانوا بيشيلوه
كل سنه وانت سعيدة ومطمئنة وراضية البال
لالا انا بقى مش كنت بعملها فى الارض
انا كنت باخدها فى ايدى و افضل اكور فيها
^_^
كانت ايام بجد من اجمل الايام اللى الواحد عاشها
كنت فعلا تحسى بطعم رمضان و العيد
مش زى دلوقتى
v_v
كل عام و انت بخير بقى
وعيد سعيد عليك
^_^
كل عام وانتي بخير اختي
وينعاد عليك بالخير
ذكرتيني بكعك العيد حق أمي
تدوينة تعيد للذاكرة مواقف و أعمال و طبخات مرتبطه بالعيد و رمضان كلها بصحبة أمي و أخوتي
جزاك الله خير
و كل عام و انت بخير و عافيه
كل عام وانت بألف خير
كل سنه وانت طيبه وبالف خير
انت واسرتك
كل عام انتم بخير
تقبل الله منا و منكم طيب القول و صالح العمل
كل سنة وانتي طيبة يا اختنا الكريمة
معلش...متأخرة شوية
nudy
تقريبا كان قرار جماعى بأنهم يستأصلوا الكحك بتاعنا
كانت بجد ايام جميله
وانتى طيبه وجميله دايما يارب
Sweet Violet
شكلى هحقد عليكى الكحك بتاعك كان بجراثيم اقل
كل سنه وانتى بخير وحال افضل
زمرده
وانتى بخير ياجميله وعيد سعيد عليكى وعلى كل اسرتك بأذن الله
غريب
جزانا واياكم على صالح الاعمال
وكل سنه وانت طيب
نورتنى زيارتك
حامد
وانت بكل الخير والصحه والسعادة
الفقيرة إلى الله أم البنات
وحضرتك بكل خير
زيارتك بتسعدنى جد والله
انى احبك فى الله
ذو النون المصري
اللهم آمين
وانت بخير حال يارب
الراقـــص مع الذئـــــاب
وانت بخير وسعادة
شكرا على المعايدة كفايه انها وصلت
نورت المدونه
Post a Comment